Kutxa Beltza: The Sewergrooves – Highlights (goiko aretoan)
Eguna/Ordua
2015/02/26
osteguna
20:30
Ateak eta txarteldegia 20:00etan zabalduko dira.
Aurresalmenta: 12 € (Kafe Antzokia, ticketea.com)
Txarteldegia: 15 €
The Sewergrooves taldea otsailean izango dugu Bilbon. Robert Erikssonek (The Hellacopters, Black Weeds) 1999an Suedian sortutako taldea da. 2000. urtean plazaratu zuten estreinako diskoa, zeresan handia eman zuen “Guinde by delight”. Oraingoan “Essential Volum Master” (Ghost Highway Recordings, 2014) EP laburra aurkeztera datoz, 2015ean plazaratuko den laugarren lan luzearen aurrerapena. Musikari esanguratsu eta zuzeneko ikusgarria duen taldea da, eta Grand Funk, Thin Lizzy, Stooges, Urge Overkill eta Kiss taldeen eraginpean sorturiko rock’n’roll abestiak jorratzen dituzte.
Highlights 2009an Arrigorriagan sortutako rock taldea da, Sergio Garciak, Xabier Valerok, Mario Coirak eta Miguel Moralek osatutakoa. Iaz “Euskal Herriko Talderik Onena” saria lortu zuten, eta 2015ean euren Ep berria aurkeztuko dute, “Storming the Gates”, rock hutsez blaitutako eta erro klasikoak dituzten 6 kanta dakartzana.
