Kutxa Beltza: Sons of Bill (goiko aretoan)

Kutxa Beltza (goiko aretoan)

Townes Van Zandt, R.E.M taldearen lehenengo diskoak, Wilco edota Kings Of Leon moduko taldeak maite dituen orok entzun beharreko taldea da Sons Of Bill. Lehen aldiz izango da Virginia estatuko taldea Euskal Herrian. “Love and Logic” deitzen da beraien lan berria eta tartean hiru anaia aurkitzen ditugu taldekideen artean. Melodiaz beteriko rock amerikarra jorratzen dute. AEBetan euren izena jende askoren ahotan dabil eta orain Europan zehar egiten ari diren bira Bilbotik igaroko da eta Euskal Herrian eskainiko duten kontzertu bakarra izango da. Bere aurreko lana, “Sirens”, Cracker taldeko David Loweryk ekoitzi zuen. Geroztik taldearen ibilbidea goraka joan da eta egun beraien zigilua Blue Rose records ospetsua da. Benetako rock amerikarra zuzenean ikusteko aukera berezia.