Four Friends
Eguna/Ordua
2016/01/29
ostirala
22:00
Ateak 21:30ean zabalduko dira.
Doako sarrera
FOUR FRIENDS
“20 urte ospatzen”
90eko hamarkada erdian Bilbon sortutako taldea da Four Friends. Rock klasikoa, blues, swing eta jazz standarrak jotzen trebatutako talde fina. 2003an “Bilbop” lehen diskoa plazaratu zuten eta taldearen sonoridadea gorpuztea lortu zuten. “Dzanga” diskoa 2006ean argitaratu zuten eta beraien kantuak bossa nova, funk edo rockabilly doinuekin jantzi zituzten. Hainbat kontzertu eskaini ondoren taldearen hirugarren diskoa izango zena, “Haruntzago” plazaratu zuten, euskaraz abestuz jazz eta pop doinuetara hurbiltzen ziren. 2014ean “Now or Never” diskoa aurkeztu ziguten; jazz, blues, swing eta retro-rock estiloko abestiak aurki ditzakegu bertan. Billy Holiday, Etta James, Sarah Vaughan edota Nina Simone jazz izarrak dituzte inspirazio gisa. Brixton records zigiluarekin plazaraturiko diskoan gaur egungo kantarien eragina ere nabari dezakegu, Diana Krall, Eva Cassidy edota Madeleine Peyrouxena kasu esaterako.
