KUTXA BELTZA: Graveyard Johnnys – Screamers & Sinners (goiko aretoan)
Eguna/Ordua
2016/03/25
Ostirala
21:00
Ateak eta txarteldegia 20:30ean zabalduko dira.
Aurresalmenta: 12 € (Kafe Antzokia, Power Records, www.ticketea.com)
Txarteldegian: 15 €
Crazy Cavan-en semea du buru Graveyard Johnnys, generoko puntako bandetako bat. Beraien kantak Dale Hawkins, Carl Perlins eta Sex Pistolsen arteko tarte batean aurkitzen dira. Nagusiki punk rocketik eta lehen rockabillytik datorkie eragina, baina noizbehinka lurralde heavyagoetara bidaiatuz eta bestetan irlandar folk ikutu batekin, Graveyard Johnnys ezin dira genero bakar batean etiketatu.
SCREAMERS & SINNERS
Euskal Herrian sortutako psychobilly banda da hau, eskarmentu handiko musikariek osatua. Kontrabaxu frenetikoa, 50eko hamarraldiko rock riff izugarriak jotzen dituen saxoa, punk eta bateriaren amorrua, eta batez ere jarrera. Iaz atera zuten lehen LPa, eurek editatua, eta denbora gutxian nazioarteko psychobilly eskenako zigilu garrantzitsuen katalogoetan sartu ziren: “Drunkabilly records”, “Crazy Love records”eta baita “Nat records” japoniarra ere.
